Slysaskot í Palestínu

Lítil stúlka.
Lítil stúlka.
Lítil svarteyg, dökkhærð stúlka
liggur skotin.
Dimmrautt blóð í hrokknu hári.
Höfuðkúpan brotin.

Ég er Breti, dagsins djarfi
dáti, suður í Palestínu,
en er kvöldar klökkur, einn,
kútur lítill mömmusveinn.

Mín synd er stór. Ó, systir mín.
Svarið get ég, feilskot var það.
Eins og hnífur hjartað skar það,
hjarta mitt, ó, systir mín,
fyrirgefðu, fyrirgefðu,
anginn litli, anginn minn.

Ég ætlaði að skjóta hann pabba þinn.

                                               Kristján frá Djúpalæk

Hvítskúrað stjórnarráð

Athugasemdir

[Bergur Thorberg, 12.1.2009 kl. 12:55]

Ég samdi lag við þetta ljóð Kristjáns 1972. Þannig var að frétt var lesinn í hádegisútvarpinu um umrætt "slysaskot" og Kristján samdi ljóðið samdægurs og það var síðan flutt í kvöldfréttum Ríkisútvarpsins. Bara svona til fróðleiks.

[Axel Jóhannsson (IP-tala skráð) 12.1.2009 kl. 12:57]

þessir palestínu menn ættu bara að fara að hlusta og hætta að reyna að stela þessu landsvæði... þeir mundu bjarga mörum mannslífum á því....

[Sigurður M Grétarsson, 12.1.2009 kl. 13:06]

Talandi um að snúa hlutunum á hvolf.

Axel. Það eru Ísraelar, sem eru að stela landi af Palestínumönnum en ekki öfugt. Það er aðalorsök ófriðarins fyrir botni Miðjarðarhafs.

[Elín Sigurðardóttir, 13.1.2009 kl. 14:23]

Þetta ljóð hefur haft áhrif á mig síðan ég var barn og á sennilega sinn hlut í því að ég hef ávallt verið friðarsinni og á móti stríði og morðum á saklausum borgurum. Það er einnig sorglegt hvað saga palenstínsku þjóðarinnar er oft lítð þekkt hér á landi. Fáir sem vita hvað liggur á bakvið stofnun Ísraelsríkis á sínum tíma!