Elín Sigurðardóttir

Ég átti nú alls ekki von á því að ég myndi nokkurn tímann blogga um trúmál en nú er víst komið að því. Ég er sammála þessu markmiði að færa kirkjuna nær fólkinu enda verið alveg út úr sambandi við fólkið allt of lengi. Hvort að krá er rétti staðurinn má síðan deila um, mér dettur strax í hug staðir eins og kaffihús eða keiluhöll þar sem hægt er að hafa það notalegt og ræða við eða um guð í leiðinni. Þó finnst mér síðasta athugasemdin best að í þessari kirkju verði engar predikanir enda frekar úrelt að prestar þurfi að lesa yfir hausamótum lúsugs alþýðufólks eins og áður tíðkaðist.

Pirr dagsins: Samasem merki sem margir setja milli trúar og trúarbragða
Lag dagsins: Bjór

Þangað til næst...

	Opna kirkju á krá
Ábyrgðarmaður færslu Tilkynna um óviðeigandi tengingu við frétt

Þetta þykir mér góð hugmynd sem þarf samt sem áður að vanda útfærsluna á. Laugarvegurinn er mjög langur miðað við stærð borgarinnar og skipulagsfræðingar hafa bent á arðsemi þess að "stytta" Laugarveginn. Byrja neðar og tengja samliggjandi götur við hann undir verslanir. Þetta er að mínu mati vert að skoða enda myndi styttri gata sóma sér vel sem göngugata. Ég er ein af þeim sem eiga af og til erindi á laugarveg og þá er alltaf spurning hvað gera eigi við bílinn á meðan og það verður að fylgja þessum hugmyndum hvar fólk geti lagt á meðan gengið er um okkar fallega miðbæ. Annars líst mér vel á þökuklætt lækjartorg, nú vantar bara verslun og þjónustu í kring um það til að glæða það mannlífi.

Lag dagsins: Walk the mile
Pirr dagsins: Bílar umfram fólk

Þangað til næst...

	Laugavegurinn verði göngugata í góðu veðri
Ábyrgðarmaður færslu Tilkynna um óviðeigandi tengingu við frétt

Heislugæsla er gífurlega hagkvæm læknisþjónusta! Hana ber að efla og styrkja td. með því að taka upp tilvísunarkerfi og stöðva óþarfa ráp fólks til sérfræðinga sem kostar skattgreiðendur miljarða á ári hverju. Það þarf kannski að spara í heilbrigðiskerfinu en heilsugæslan má alls ekki við neinum niðurskurði. Það er þversögn að spara 100 kall á einum stað til þess að borga 1000 kall á öðrum. Tíðar komur Reykvíkinga á bráðamóttöku sanna það að efla þarf þjónustu heimilislækna og heilsugæslu. Það er einnig mikil þversögn að við búum við sérfræðingaveldi í Reykjavík en fáum ekki grunnheilsugæslu en á landsbyggðinni er öflug heilsugæsla en engir sérfræðingar...þetta þarf að laga!

Pirr dagsins: Niðurskurður sem er ekki að spara neitt
Lag dagsins: Better together

Þangað til næst

	Þjónusta heilsugæslu skerðist
Ábyrgðarmaður færslu Tilkynna um óviðeigandi tengingu við frétt

Tími glæsibygginga sem enginn hefur efni á að stunda í atvinnurekstur eða búa í er liðinn!! Ég vil ekki fleiri draugahús í miðbæinn. Eina leið til að hafa líf í húsum er að þar sé fólk og starfssemi. Það væri lítið mál að koma þessum húsum í íbúðarhæft ástand enda í ágætu ásigkomulagi flestöll. Verktökum og auðmönnum á að bera skylda til að halda húsunum í sæmilegu horfi, það er glæpur að láta þau viljandi grotna niður. Ekkert mál væri að gera tímabundna leigusamninga á sanngjörnum verðum við aðila sem vilja rekstur í húsum á svæðinu eða búa í þeim á erfiðum tímum. Þetta mál á eftir að þvælast í borgarkerfinu svo mánuðum og jafnvel árum skiptir og síðan vita nú allir að engir peningar eru til fyrir framkvæmdum og engin hefur lengur efni á lúxushúsum. Látum ekki svona glæpastarfssemi viðgangast í miðbænum!

Lag dagsins: Það vantar spýtur og það vantar fjöl...
Pirr dagsins: Yfirgangur auðmanna á Íslandi

Þangað til næst...

	Í vegi fyrir glæsihúsi
Ábyrgðarmaður færslu Tilkynna um óviðeigandi tengingu við frétt