Umhverfisslys

Það hefur komið mér mikið á óvart hversu lítið hefur farið fyrir því í fjölmiðlum að til standi að taka fyrstu skóflustunguna við álverið í Helguvík í dag og undirrita samninga við verktaka um framkvæmdina. Þetta er gert nú þegar háttvirtur umhverfisráðherra veitti þessu umdeilda verki umhverfismat þó henni hafi "líkað það illa". Það er um að gera að hefja þessar framkvæmdir án þess að vera búin að leysa með hvaða hætti eigi að útvega álverinu raforku. Ekki hefur fengist leyfi fyrir háspennulínu að svæðinu og virkjunaráformin eru öll í uppnámi, þetta kallar maður nú góða viðskiptahætti! Það er nefnilega í lagi að menga ef hið mengandi álver er knúið áfram með umhverfisvænni og grænni orku. Náttúruspjöll eru nefnilega svo gasalega umhverfisvæn. Nú verða komin tvö álver í nánasta umhverfi keflavíkurflugvallar og mun þetta án efa hafa góð áhrif á íslenskan ferðaiðnað. Erlendir gestir okkar geta valið um "Gullna hringinn" eða "Ál pýramídann" þegar þeir ferðast um okkar fallega land!

Lag dagsins: Járnkallin með Bjartmari Guðlaugs og Drullum Sull með Olgu Guðrúnu

Pirr dagsins: Umverfissóðar

Þangað til næst!

Athugasemdir

[Rauða Ljónið, 6.6.2008 kl. 16:21]

Sæl,

  Það nýtt sem breytir hugsum hjá ykkur mengunaristum  eins og greini þin fjallar um að eins að menga meira og meira.

Framkvæmdin við Helguvík er umhverfisvæn eins og að neðan kemur.

 Frá Stöð 2, 05. jún. 2008 og  Vísir

 

Flugfargjöld gætu hækkað vegna mengunarkvóta

Gunnlaugur Stefánsson formaður Flugráðs, að árið 2005 hefði útblástur frá íslenska flugflotanum verið á við 14 álver í Straumsvík. En stýrihópur sem hann fór með formennsku í skilaði samgönguráðherra áfangaskýrslu um áhrif ákvörðunar Evrópusambandsins í morgun.

Farþegaflug ferðamannaiðnaður og vöruflug, þ.e. flug frá og til Íslands og innanlands nemur um 3.9 til 4.2 milljónum tonna af CO2, sem er svipuð og losun, 14 álvera á CO2 eins og þau eru hér á landi. Hvert tonn af áli sem framleitt er á Íslandi eða 790 þúsund tonn með raforku úr vatnsorku  í stað raforku úr jarðeldsneyti sparar andrúmsloftinu 13,2 tonn af koltvísýringi. (  790 þúsund x 13,2 CO2 ) = 13.2 milljóna af CO2 sparnaður á hnattræna vísu.                                       
Verði framleiðsla á Íslandi komin í 1,0 milljón tonn á ári .Til þess þyrfti nálægt 16 TWh/a (terawattstundir á ári), reikað í orkuveri, t.d. 12 úr vatnsorku og 4 úr jarðhita. Orkulindir okkar ráða vel við það. Sú álvinnsla sparaði andrúmsloftinu 10.48 milljón tonn á ári hnattrænt  borið saman við að álið fyrir utan þess sem kæmi til baka í sparnaði væri framleitt með rafmagni úr jarðeldsneyti sem losar 14,2 tonn CO2 á framleidd tonn af áli.
Og að 1,0 milljóna tonna álframleiðsla á Íslandi „sparaði andrúmsloftinu 13.2 milljón tonn á CO2 á ári.

 Sparar 5-falda núverandi innanlandslosun á Íslandi og um 12% af núverandi losun í heiminum vegna raforkuvinnslu til álframleiðslu!"
 Er eitthvað annað land í veröldinni sem getur sparað 5-falda losun sína hnattrænt á CO2 ?.

[Elín Sigurðardóttir, 6.6.2008 kl. 16:26]

Það er gott að hugsa vel um nágranna sína í heiminum, vildi bara að við myndum gera það í fleiri málaflokkum fyrst við höfum ákveðið að "fórna okkur "  fyrir heiminn með því að breyta Íslandi í Álver.