Mættum taka okkur Svía til fyrirmyndar...

Já Svíarnir kunna að takast á við efnahagskreppur enda staðið í því áður. Nú sem aldrei fyrr er brýnt að styrkja velferðarkerfið til að milda högg kreppunar á íslensk heimili, ekki síst börn. Það má ekki og það á ekki að skera niður í velferðarkerfinu í núverandi stöðu!

Lag dagsins: Mina gyllene skor
Pirr dagisns: Skammtímasjónarmið

Þangað til næst...

Aukið fé í velferðarmál í Svíþjóð

Eðlileg krafa!

Það er eðlileg krafa að hafna með öllu samstarfi við þann flokk sem bar ábyrgð á bankahruninu með því að reka óábyrga stefnu í efnahagsmálum sl. 18 ár! Nú þarf áframhaldandi félagshyggjustjórn til þess að vinna sem best úr þeirri stöðu sem nú er því miður upp komin. Vinstri græn vilja leggja sitt af mörkum í þeirri vinnu!

Pirr dagsins: Spilling og græðgi

Þangað til næst, lifi byltingin!

VG bundin - á móti Sjálfstæðisflokknum

Til hamingju færeyingar!

Ég hef heyrt flutning Dúndurfrétta á The Wall fyrir nokkrum árum síðan. Missti því miður af þeim í höllinni sumarið 2007 þegar þeir spiluðu með Sinfóníunni. Ég hafði þá öðrum hnöppum að hneppa enda nýbökuð móðir á þeim tíma. Ég óska færeyingum til hamingju með þetta góða framtak og vona að Dúndurfréttir endurtaki leikinn aftur hér á landi!

Plata dagsins: The wall

Pirr dagsins: Að vera ekki í Færeyjum í kvöld (bölvuð kreppan)

Þangað til næst!

Pink Floyd í Færeyjum

Glæsilegt!

Líst vel á að Steinunn Þóra gefi aftur kost á sér! Hún hefur unnið vel að góðum málum þegar hún hefur tekið sæti á þingi! Vonandi getur hún haldið sinni góðu vinnu áfram eftir næstu kosningar!

Lag dagsins: Give peace a chance

Pirr dagsins: Endalaust stríðsbrölt og vesen

Þangað til næst!

Gefur kost á sér í 4. sæti í forvali VG í Reykjavík

Flottur frambjóðandi!

Ég fagna því að svona ung og öflug kona ætli í framboð fyrir VG! Þetta verður flokknum án efa til framdráttar og hefur hún minn stuðning í komandi forvali hjá VG í Reykjavík!

GO Auður!

Lag dagsins: Áfram Stelpur
Pirr dagsins: Karlrembusvín

Þangað til næst!

Vill 2.-3. sæti á lista VG

Það er leikur að læra...

Nú er skólastarfið komið á fullt og nóg að gera! Fer í æfingakennslu í byrjun mars og hlakka bara til! Annars er nóg að gera í bæði vinnu, fjölskyldu, skóla og pólitík! Hef ekki mikinn tíma í að vinna fyrir þessar kosningar eins og þær síðustu en verð á hliðarlínuni og tek þátt eftir getu! Þetta eru soldið "óvæntar" kosningar þannig að maður tekur þetta bara einn dag í einu. Annars er gaman að vera komin aftur í nám og námið í kennslufræðinni áhugavert og skemmtilegt....

 Lag dagsins: Það er leikur að læra

Pirr dagsins (eða aldrarinnar): Davíð Oddsson

Þangað til næst!!!

Glaðningur frá LÍN

Vill bara minna alla sem eru að greiða af lánum hjá LÍN að þeir eiga von á glaðningi þann 1. mars nk. upp á krónur 97.186! Jei, eins gott að jólaeuroreikningurinn kemur 1. febrúar þannig að einn glaðningurinn tekur við af öðrum!!!

Móðir hvar er barnið þitt, svona seint um kvöld?

Er það bara ég eða eru ekki lög um útivistartíma barna? Hvar eru foreldrarnir spyr ég? Ég hef farið með dóttur minni á mótmælafundi en maður heldur sig að sjálfsögðu í öruggri fjarlægð það sem það er skylda manns sem foreldri að vernda barna sitt við aðstæður sem geta talist ógnandi.

Lag dagsins: Móðir hvar er barnið þitt?

Pirr dagsins: Ofbeldi, sama hver beitir því!

www.appelsinugulur.is

Þangað til næst!

Börn að atast í lögreglumönnum

Morðin halda áfram!

Það er ekki hægt að gera ekki neitt á sama tíma og morðin á saklausum borgurum halda áfram í GAZA! Einhverjir virðast rugla saklausum börnum við Hamaz liða! Hvað geta þessar þjóðernishreinsanir Ísraela viðgengist lengi? Er hægt að gera allt ef að stóri bróðir í USA leggur blessun sína yfir hryllinginn? Og ætla íslensk stjórnvöld virkilega ekki að aðhafast neitt?

Slysaskot í Palestínu

Lítil stúlka.
Lítil stúlka.
Lítil svarteyg, dökkhærð stúlka
liggur skotin.
Dimmrautt blóð í hrokknu hári.
Höfuðkúpan brotin.

Ég er Breti, dagsins djarfi
dáti, suður í Palestínu,
en er kvöldar klökkur, einn,
kútur lítill mömmusveinn.

Mín synd er stór. Ó, systir mín.
Svarið get ég, feilskot var það.
Eins og hnífur hjartað skar það,
hjarta mitt, ó, systir mín,
fyrirgefðu, fyrirgefðu,
anginn litli, anginn minn.

Ég ætlaði að skjóta hann pabba þinn.

                                               Kristján frá Djúpalæk

Hvítskúrað stjórnarráð